Happy Anniversary!! (Part Two)

August 16, 2009(Anniversary na!!)
6:30 a.m.:
Gising na ko kaagad. Kailangan e. Ang layo kasi ng bahay namin mula sa sumbahan. Kumain na ko kaagad, nag-facebook at naligo. Dapat daw kasi 10:00 a.m. nasa church na. Kaso mukhang masyado akong natuwa sa facebook at medyo napatagal. 9:30 na nga ako nakaalis ng bahay. Siguradong late na naman. Hays..

10:30 a.m. (Oras ng assembly)
Nung dumating ako sa church, wala na ang mga gamit. Wala na yung gitara, drums at microphone. Pano na ko magpapractice kumanta nyan? Naisip ko na wala na sigurong practice, wala ng instrument e. Wala na kong nagawa kundi maghintay na lang.

11:30 a.m.
Dumating ang iba kong mga churchmate. Dinala na daw nila lahat ng mga gamit sa pagdadausan ng anniversary. Dumating naman si pastor. Sabi niya hindi pa daw nakukuha yung ibang mga upuan. E 'di sama ko para kumuha ng mga upuan. Napansin namin na sobrang init. Para bang tumingin ka lang sa lupa na nasisinagan ng araw, maiinitan ka na. Hindi ko inaasahan na sobrang dami pala ng upuan na kukunin. Tatlo lang kami na kumuha ng mga upuan. Dahil hindi kinaya na isang bagsakan na kuha, kailangan namin balikan ang mga natira.

1:30 p.m.
Natapos na kami sa paghahakot nga mga upuan. Hindi pa ko nakakapagpahinga. Hindi pa ko nanananghalian. Hindi pa ko nakabihis. 2:00 p.m. ang start ng program. Hindi na talaga ko makakakain. Asa naman ako 'diba. Kaya ayun diretso na agad sa venue.

2:30 p.m.
Bumuhos ang ulan. Buti na lang covered ang aming venue. Nakita ko ito bilang isang napakalaking blessing. Alam kasi ni Bro na mahihirapan ang mga dadalo kung mainit ang kanilang pakiramdam, wala pa namang electric fan na nadala. Mabait talaga si Bro.

3:30 p.m.
Tsaka lang nag-start ang program. Hindi dahil sinunod namin ang Filipino time, dahil madaming problemang teknikal. Yung tunog ng mga speaker ay sabog. Kapag nagsasabay ang dalawang boses, nagiging putol-putol ang tunog. Ang mga mic ay nawawalan ng tunog at parang tinotopak, tila pinaglalaruan ang boses ng mga magsasalita. Pero, pero, pero, walang makakahadlang na matuloy ang anniversary ng church. Kasi kasama namin ang Great Provider. Kaya walang kahit ano mang bagay ang makakapagpigil samin para i-return ang sa Kanya ang mga blessings na ipinagkaloob Niya sa amin.

6:30 p.m.
Natapos ang program ng maayos. Lahat masaya. Lahat busog. Lahat pinagpala! Kahit pa maraming bagay ang nag-attempt na pumigil sa amin. Still, hindi kami nagpaapekto. Dahil may tiwala kami na hindi Niya kami pababayaan.

7:00 p.m.
Kailangan na mag-packing. Ang dami pang dapat ayusin at ibalik. Yung mga instrument, props at mga kalat. Kailangan na din namin ibalik na yung mga upuan may pasok na kasi ang karamihan sa susunod na araw.

8:00 p.m.
Nakabalik na kami sa church ulit. Bonding moment na sa mga ka-churchmate at kahit paano, makapagpahinga. Kumain kami ulit. Mas masaya ang kuwentuhan kapag may pagkain(Tama ba o baliktad?). Nakipagbiruan at nakipagkulitan. Makapal na mukhang kumakanta sa mic na hindi naman nakakabit.

8:30 p.m.
Uwian na. Hay salamat. Pahinga na. Nakakapagod talaga. Buong araw kami gumagalaw. Halos dalawang araw kaming gising. Pero ok lang 'yun. Para naman kay Lord e.


F.Y.I.s (For Your Informationsssssss)
*Merong taga-GMA na gustong kumuha ng clear copy ng mga kinanta at tinugtog sa anniversary. Hindi namin inaasahan 'yun. Ang alam lang namin e hinire sila para kumuha ng mga pictures.
*The next day, wala akong naramdaman na kahit anong sakit ng katawan o pagod. Ibig sabihin lang nun, BLESSING!
*Walang Video. Hehe.. ^_^


TO GOD BE THE GLORY!!!!