'Di ko alam kung bakit masaya

Maliwanag na nung nagising ako. Medyo nakaramdam na kaagad ako ng gutom pagkabangon ko. Kahit pa gutom na ko, isa lang ang pumasok agad sa isip ko, unang quiz na pala namin sa mechanics. Ano kaya magiging kapalaran ko? Sa tingin ko kailangan ko ng tanggapin na kulang pa ang naaral ko.

Pagkatapos kumain e nag-aral na ko kaagad. Baka sakaling may maidadagdag pa ko sa mga nalalaman ko. Pero habang tumatagal, parang nare-realize ko na walang pumapasok sa utak ko. Lalo tuloy ako nawalan ng pag-asa.

Ayan. Tanghali na. Pag pasok ko sa classroom, umupo agad ako sa kung saan ako nakaupo kapag mechanics. Ay badtrip! Differential nga pala muna. HAHA! Ibig sabihin lang nun nawawala na ko sa katinuan.

Ayan Mech na talaga. Bago mag-quiz, tinanong muna ako ng kaklase ko tungkol sa subject. Wala akong naisagot na matino. Ibig sabihin, minemechanics na utak ko.

(Tama ba yung title?)

Hehe. Nakasagot naman ako kahit papano. Nagpapasalamat pala ko kay Ma'am Roque na kahit papaano e na-apply ko yung mga itinuro niya sa Physics 1. 2 item test yun, yung 1 lang yung nalagyan ko ng laman. Haha.

Medyo inaasahan ko na na 50-50 ang kalalabasan ng resulta ng quiz ko. Hehehehehe. Pero pakiramdam ko e parang hindi ako binagsakan ng masamang kapalaran. Parang ang gaan pa ng pakiramdam ko.

Natapos na ang klase, ang dami kong nakitang mga kaibigan sa eng'g building. Tila onti-onting nagbigay sa'kin ng saya ang mga simpleng bati nila.

Binabati ko sila Pancho, Darwin, Errol, D'gang Member(Nakalimutan ko kasi pangalan^_^) Jaw, Melody, Dacu, Jackie, Jojo, Jopo, Pau, Bren, Christian, Emerson, Maricar, Maui, Francine... sino pa ba? 'Di ko na maalala yung iba e. Sana naman e nabanggit ko silang lahat.

Hindi ko man alam ang dahilan pero alam ko ay may purpose ang lahat ng nangyayari. Siguro may mga taong nagrequest kay Lord na makita akong ngumiti man lang. Haha!! ^_^

Ang masasabi ko lang ay MARAMING SALAMAT! Kahit sa hindi ko alam na paraan e naging masaya ko. ^_^

Isaiah 41:10
The Lord said,"So do not fear, for I am with you; do not be dismayed, for I am your God. I will strengthen you and help you; I will uphold you with my righteous right hand."